RUTA DO RIO DUBRA

Lonxitude e dificultade: 6 km. Pouca dificultade. Ruta circular. Suaves subidas e baixadas despois dunha subida inicial constante de 1 km.

Lugar de inicio: Estrada de Bembibre a Santiago, a 2.900 metros desde a Casa do Concello. Comeza nunha pista de terra que se desvía da estrad a man dereita (dirección Santiago), sinalizada cunha baliza. Poucos metros máis adiante, nun espacio á beira da estrada, hai un panel informativo sobre a Ruta, xunto a unha parada de autobús.

Comentario: Gran parte da ruta discorre á beira do ría Dubra e baixo o túnel vexetal de amieiros, freixos e salgueiros. Tamén podemos percorrer prados e campiñas gandeiras, salpicados de carballeiras e piñeirais.

RUTA DAS CARBALLEIRAS

Lonxitude e dificultade: 4 km. Ruta circular. En subida os dous primeiros kms. Báixase a continuación cara o ría. Pouca dificultade.

Lugar de inicio: comeza en Bembibre, na Área Recreativa e Piscina Municipal, a poucos metros detrás da Casa do Concello. Vólvese á estrada Santiago-Carballo que atravesa a vila, para cruzala e desviarse rapidamente á outra beira do río Dubra.

Comentario: Este sendeiro atravesa as fermosas carballeiras do río Dubra no seu paso por Bembibre, chega ata as ruinas da ermida de S. Xoán Bautista, e acaba percorrendo as beiras do río, augas arriba cara Bembibre, terminando novamente na mesma Área Recreativa. A piscina municipal a zona de xogos infantís e o merendeiro constitúen un lugar ideal para concluír este paseo.

RUTA DO RIO TAMBRE

Lonxitude e dificultade: 3 km. Trazado completamente chan. Sendeiro de ida e volta.

Lugar de inicio: Comeza en Portomouro, no campo da festa situado baixo a ponte, augas abaixo. Chegaremos aquí pola estrada que se toma á dereita (dirección Santiago), nada máis pasar a ponte. Poucos metros despois hai unha estreita pista en pendente cara o río, que nos levará ata o campo da festa.

Comentario: Breve pero encantador paseo pola beira do río Tambre con carballeiras e castiñeiros, árbores de ribeira e grandes fieitos. Ao final do sendeiro encontraremos a Área dos Muíños de Rodas, e pouco máis adiente, o pantalán para embarcacións de remo. Ata o pantalán poden acceder os vehículos que remolquen as embarcacións por unha pista sinalizada desde a estrada a Santaigo, a menos de 1 km desde Portomouro.

TRÍPTICO INFORMATIVO DAS RUTAS DE SENDEIRISMO: